Жогорку Кеңештин депутаттарын кайра шайлоо 20-декабрга белгиленди

Жогорку Кеңештин депутаттарын кайра шайлоо 20-декабрга белгиленди. Бул тууралуу БШКнын маалымат кызматына шилтеме берип “Барометр” билдирет.

Парламентке депутаттарды кайра шайлоо 20-декабрда өтөт. Бул чечим бүгүн, 21-октябрда, БШКнын жыйынында бир добуштан кабыл алынганы маалым болду.

Эскерте кетсек, Жогорку Кеңешке шайлоо 4-октябрда өткөн. Бирок, 5-октябрда шайлооонун жыйынтыгына нааразы болгондор “Ала-Тоо” аянтына митинге чыгышкан. Алар шайлоо жыйынтыгын жокко чыгарууна талап кылып митинге чыгышкан. Митинг башаламандык менен коштолуп, алар Ак үйдү жана бир катар мамлекеттик имараттарды басып алышкан. 6-октябрда БШК шайлоо жыйынтыгын жокко чыгарганын маалымдашкан.