Жаңы курулуш имараттарды комиссия менен текшерип чыгуу сунушталды

Бишкектеги акыркы убактарда курулуп жаткан курулуштардын сапаттары начар. Аларды атайын комиссия түзүп, текшерип чыгалы деген сунушту депутат Тазабек Икрамов билдирди. 

"Бишкек шаарындагы жаңы имараттардын көбөйүшү жакшы нерсе. Бирок, ошол имараттар 9 баллдык жер титирөөгө туруштук бере алабы. Депутат катары табигый кырсыктардын алдын алуу үчүн мамлекеттик комиссия түзүп, имараттардын сапаттарын текшерип чыгыш керек"-деди депутат.

Бүгүн, 31-январда Жогорку Кеңештин жалпы жыйыны өтүүдө. Азыркы тапта ар кандай маселелер каралып, депутаттар жарандардын кайрылууларынын негизинде билдирүү жасашууда.