Жаңы iPhone 13 смартфону тааныштырылды, баасы 799 доллар

Кечээ,14-сентябрда Apple компаниясы iPhone 13 жаңы смартфондорунун линейкасынын бет ачарын өткөрдү. Бул тууралуу аталган компаниянын сайтына шилтеме кылуу менен “Барометр” маалымдайт.

Жаңы линейкада i Watch Series 7 акылдуу сааттары, жаңы iPad жана башка гаджеттер көрсөтүлдү.

Жаңы iPhone 13 жана iPhone 13 mini смартфондору A15 Bionic процессорлору менен жабдылган жана батарейкасы көп көлөмдө. Диагоналдары 6,1 жана 5,4 дюйм.

“Абдан бышык жана суу менен чаң өтпөйт”,-деп айтты жаңылыкты тааныштырып жатканда компаниянын өкүлү Кайен Дрэнс. Жаңы смартфон беш түстө чыгарылып, дисплей түзүмү 28 пайызга дагы жарыгыраак болот.

iPhone 13түн баштапкы баасы - 799 доллар, iPhone 13 mini - 699 доллардан бааланды.