Жапаров: Камчыбек Ташиев эртең Кыргызстанга учуп келип, дароо Баткенге барат

Улуттук коопсуздук мамлекеттик комитетинин төрагасы Камчыбек Ташиев эртең, 18-февралда Кыргызстанга учуп келет. Бул тууралуу президент Садыр Жапаровдун телеграм-каналына жазылган маалыматка шилтеме берип “Барометр” билдирет.

Маалыматка ылайык, УКМКнын төрагасы Камчыбек Ташиев эртең, 18-февралда саат 10:00дө чет мамлекеттен "Манас" аэропортуна учуп келет.

“Камчыбек Ташиев Кыргызстанга келери менен дароо саат 11:00дө Баткен облусуна учат. Тийиштүү маселелер жеринде каралат”, - деп жазылат маалыматта.

Эске сала кетсек, Камчыбек Ташиевге 12-февралда Германияда жүрөгүнө операция жасалган.