Видео. Жан Воиновдун үйлөнүү тою өтүп, ага экс-президент Роза Отунбаева барды

Белгилүү бийчи Жан Воинов менен анын келинчеги Зарина Алмасованын үйлөнүү үлпөт тою 10-октябрда Бишкектеги Фрунзе ресторанында болуп өттү. Бул тууралуу бийчинин апасы, Кыргызстандагы беделдүү айымдардын бири Ассоль Молдакматова инстаграмдагы жеке баракчасына жарыялады. 

Учурда дарыланып чет жерде жүргөн Ассоль айым атайын уулунун тоюна катышууга Кыргызстанга бир кунгө учуп келген. Ал эми тойдун уюштуруу жагын бийчинин атасы, белгилүү спортчу Александр Воинов моюнуна алган. 

Үйлөнүү-үлпөт кечеси чакан жакындардын тегерегинде болуп, экс-президент Роза Отунбаева дагы келген.