Мирзиёев Рахмонду чек арадагы чырды тынч жолу менен басууга чакырды

Өзбекстандын президенти Шавкат Мирзиёев Тажикстандын президенти Эмомали Рахмон менен кыргыз-тажик чек арасындагы кырдаал тууралуу сүйлөштү. Бул тууралуу өзбек президентинин расмий сайтына жарыяланган маалыматка шилтеме берип "Барометр" билдирет. 

Маалым болгондой, өлкө башчылары бүгүн, 30-апрелде телефон аркылуу сүйлөшкөн. Мамлекет башчылары тажик-кыргыз чек арасындагы кырдаал тууралуу талкуулашканы кабарланды.

Өзбекстандын президенти тажик-кыргыз чек арасындагы түзүлгөн кырдаалды эртерээк жөнгө салууга жана анын курчушунун алдын алууга багытталган макулдашууларды колдой тургандыгын билдирген.

Мирзиёев бардык маселелерди достук, коңшулук жана өнөктөштүк багытта чечүүнүн маанилүүлүгүн баса белгилеген.