Запастагы офицерлерди даярдоо боюнча окуу жыйыны жыйынтыкталды

Бүгүн, 6-октябрда Ички иштер министрлигинин Ички аскерлеринин  Ош шаарындагы 703 аскер бөлүгүнүн саптык аянтында, “Запастагы офицерлерди” чыгаруу боюнча салтанаттуу иш-чара болуп өттү.Бул тууралуу ИИМдин басма сөз кызматына таянуу менен “Барометр” маалымдайт.

Запастагы офицерлерди даярдоо боюнча окуу жыйыны «Кыргыз Республикасынын жарандарынын жалпы аскердик милдеттери, аскердик жана альтернативдик кызматы» жөнүндөгү мыйзамынын жана Ички аскерлеринин күжүрмөн даярдык планынын негизинде 6-сентябрынан 6-октябрына чейин убакытта өткөрүлгөн.

Салтанаттуу иш-чаранын жүрүшүндө, жогорку билими бар жоокерлерге сабактарын ийгиликтүү аяктагындыгы тууралуу сертификат жана лейтенант наамынын погондору тапшырылды.