Өз атасындай кучактап. Айылдан атагы чыккан интернет жылдызы Бекболот президент менен жолукту

Ысык-Көл облусуна караштуу Балбай айылынын кичинекей жылдызы Бекболот Турдушев президент Садыр Жапаров менен жолугушту. Бул тууралуу Бекболоттун соцтармактагы баракчасына жүктөлгөн сүрөттөргө шилтеме берип “Барометр” билдирет.

Маалым болгондой, интернет жылдызына айланган Бекболот Турдушев президент Садыр Жапаров менен мамлекеттик резиденциядан жолукту. Сүрөттөн, мамлекет башчы менен Беколот чай үстүндө баарлашып жатканын көрүүгө болот.

Белгилей кетсек, Бекболот президент менен 16-февраль күнү жолукмак, бирок, мамлекет башчы обочолонуу абалында болгондуктан Москвадан келгенден кийин жолугаарын айткан.

Кечээ, 27-февраль күнү президент Садыр Жапаров Бекболотту үйүнөн кабыл алып, чай үстүндө сүйлөшүп, олтурушкан. Бекболот менен бирге атасы жана блогер Талант Сагынбаев киргени кабарланды.

Эске сала кетсек, Бекболот буга чейин, соцтармак аркылуу Ысык-Көлдүн Балбай айылындагы мектеби жыл сайын көгөрө берерин айтып, президент Садыр Жапаровго эки кабаттуу мектеп салып берүүсүн суранган. Бул кайрылуусу интернетке чырагы менен кызуу талкууга алынып, жада калса ал Бишкекке чейин келип, бир катар блогерлер, ырчылар менен жолуккан.