Ысык-Атада ички коопсуздук аскер кызматына таандык болгон атайын техника табылды

ИИМдин Ички коопсуздук аскер кызматына таандык болгон атайын техника Ысык-Ата районунун Чолпон айылынан табылды. Бул тууралуу Чүй облусунун ИИББынын маалыматына таянып "Барометр" билдирет.

Бүгүн, 13-октябрда болжол менен саат 09:30 чамаларында Ысык-Ата районунун ИИБдүн милициянын аймактык тескөөчүлөрү тарабынан Ысык-Ата районунун Чолпон айылынан ИИМдин ички коопсуздук аскер кызматына таандык болгон атайын техника табылган.

Милициянын аймактык тескөөчүсү 13-октябрда атайын техника талаадагы элге көрүнбөгөн жерге катылган жерден көрүп калган. Милиция кызматкерлери буга чейин бул жерлерди караганда эч кандай техника болгон эмес. Учурда атайын техника тиешелүү кызматтарга өткөрүлүп берилди