Ырчы Бекжан Темирхан 27 жашында каза болду

Жаш ырчы Бекжан Темирхан каза болду. Бул тууралуу ырчы Данияр Эрматовдун соцтармактагы баракчасына жазылган маалыматка таянып “Барометр” билдирет.

Маалым болгондой, ырчы жол кырсыгынан каза болгон.

“Дагы деле ишене албай турам. Иним аябай кичи пейил эле. Кече эле сүйлөшкөнбүз, алдыдагы пландарын айтты эле. Эми мынтип бүгүн жок. Аллахым бейиштен орун берсин”, -деп жазды Данияр Эрматов.

Бекжан Темирхан 10-ноябрда Боом капчыгайында жол кырсыгына кабылган.

Ырчы 1995-жылы Аксы жергесинде туулган. Ал беш бир туугандын улуусу эле.

Темирхан “Эзилип бүттүм” деген ыры менен калың элге таанылган.