Ырчы Бактыгүл Бадыева 2 кылкылтек концентраторун Токмоктун ооруканасына берди (Видео)

Ырчы Бактыгүл Бадыева кыргыз элине берген сөзүнө бек туруп, эки кычкылтек концентраторун сатып берди. Бул тууралуу анын социалдык тармактагы баракчасына таянып “Барометр” билдирет.

Бадыева аталган аппараттарды Токмок шаарынын ооруканасына тапшырганын айтат.

“Сөзүмдө туруп эки кычкылтек концентраторун Токмок шаарынын жугуштуу оорулар ооруканасына тапшырдым. Элим оорубасын”, - дейт ырчы.

Эскерте кетсек, өлкөдө кычкылтек концентратору жана жасалма дем алдыруучу аппараттарга муктаждык жаралып, ырчылар Мирбек Атабеков жана Анжелика баштаган атактуу инсандар аталган аппараттарды сатып алуу үчүн каражат чогултуп башташкан. Жыйынтыгында Анжелика жетектеген топ 85 миң доллар топтоп, ага аталган аппараттарды жана доктурларга коргоочу кийим, дары-дармек алышкан. Акча чогултуу, облустарга көмөк-көрсөтүү дагы да уланууда.

Анжелика өзүнүн атынан беш, Атабеков эки жасалма дем алдыруучу аппаратка каражат бөлгөн.