Түркияда жол кырсыгынан каза болгон мигранттардын арасында кыргыздардын бар жогу такталууда

Түркиянын Сивас шаарында мигранттар бара жаткан автобус жол кырсыгына учурап, оор жоготуулар болду. Бул тууралуу Anadolu басылмасына шилтеме берип “Барометр” билдирет.

Маалым болгондой, жол кырсыгында 3 адам каза болуп, 27 адам жаракат алган.

Түркиянын Сивас шаарында мыйзамсыз мигранттар бара жаткан автобус оодарылып, каза болгондор жана жарадар болгондор көп экенин жергиликтүү бамылмалар жазды.

"Алдын ала маалыматтар боюнча, үч адам каза болуп, 27 адам жаракат алган", — деп билдирет мекеме.

Каза болгондордун жана жаракат алгандардын арасында кыргыз жарандарынын бар-жогу азырынча маалым боло элек.