Түркияда ИГИЛ террордук уюмунун 12 террорчусу кармалды. Алардын арасында үч кыргызстандык бар

Түркияда тыюу салынган "Ислам мамлекети" террордук уюмунун 12 мүчөсү кармалды, алардын арасында Кыргызстандын жарандары бар. Бул тууралуу ТАСС агенттиги жазган маалыматка шилтеме берип “Барометр” билдирет.

«2020-жылы 31-декабрда Сириядан Түркияга мыйзамсыз өтүүгө аракет кылган 12 адам кармалып, алар Рейханли райондук полиция бөлүмүнө жеткирилген. Алардын арасында Россиянын беш жараны, Өзбекстандын төрт жараны жана Кыргызстандын үч жараны бар экени аныкталды, алардын бардыгы  "Ислам мамлекети" террордук уюмунун террорчулары», - деп айтылат маалыматта.

Мындан тышкары, согушкерлердин бири издөөдө жүргөндөрдүн катарында болгон.