Токмокто болгон жол кырсыгында эки адам каза таап, жети киши жаракат алды

Токмок шаарында эки жеңил унаанын катышуусунда жол кырсыгы болду. Кырсыктан улам эки адам каза тапты. Бул тууралуу Чүй областынын ички иштер башкы башкармалыгынан кабарлашканын “Барометр” маалымдайт.

Алдын ала маалыматтарга таянсак, 3-октябрда түн ичинде Гагарина жана Шамшы көчөсүндө Toyota RAV4 жана «Мазда» унаалары кагылышкан. Эки адам дарыгерлер келгенге чейин каза таап, дагы жети адам ар кандай оордуктагы жаракаттарды алышкан.

Жол кырсыгынын келип чыгышы такталууда, экспертиза дайындалды.