Телесабактар жайкы эс алуу учурунда тартылат

Телесабактарды даярдоо жайкы эс алуу учурунда улантылат. Бул тууралуу Жогорку Кеңештин жыйынында Билим берүү жана илим министринин орун басары Надира Жусупбекова, депутат Наталья Никитенконун суроосуна жооп берип жатып билдирди.

«Биз коркунуч жок деп ушуну менен токтоп кала албайбыз. Азыр мыкты мугалимдерден, методисттерден команда түзгөнбүз. Июнь, июль, август айларында 1-чейректин программасы боюнча телесабактарды даярдаганы жатабыз. Мүмкүн болсо 2-чейрекке да тартуу пландалууда», - деди ал.