Текебаевдин жүрөк оорусу кармап абалы начарлап кеткени айтылды

Жогорку Кеңештин мурдагы депутаты Өмүрбек Текебаевдин ден соолугу кайрадан начарлап кетти. Бул тууралуу саясатчынын  жактоочусу Таалайгүл Токтакунова билдирди. 

Маалымдалгандай, Текебаев  неврология борборунан № 47 түзөтүү мекемесине которулгандан кийин жүрөк оорусу кармап, кан басымы жогорулап кеткен. 

«Өмүрбек Текебаев учурда медициналык көзөмөлдө турат. Бирок, керектүү дары-дармектер колониянын медициналык бөлүмүндө жок», —деди Таалайгүл Токтакунова. 

Эске салсак, Өмүрбек Текебаев орус ишкеринен ири суммадагы пара алган деп айыпталып, КР Кылмыш жаза кодексинин “Коррупция” беренеси боюнча 8 жылга эркинен ажыратылган.