Тазабек Икрамов: "Коррупционерлердин баласын-небересин мамлекеттик кызматка албай турган мыйзам жазам"

“Коррупционерлердин баласын-неберин мамлекеттик кызматка албай турган мыйзам жазам”, - деди Жогорку Кеңештин депутаты Тазабек Икрамов. Эл өкүлү бул туурлуу barometr.kg менен маектешип жатып билдирди. Ал демилгеленип жаткан мыйзам өлкө башчысы тарабынан жүруп жатат коррупцияга каршы күрөштө дем болот деп ниеттенүүдө.

“Коррупционерлердин өзүнө гана чара көрбөстөн баласынын-небересине чейин мамлекеттик кызматка алынбасын деген мыйзам кабыл алууну сунуш кылам. Ошондо корупция мураскерликке айланбай, анын кесепети урпактарына да тиери белгилүү болот. Жемкорлор сестениш керек. Мамлекеттин акчасы элдин ырыскысы”, - деди Икрамов.