Ташиев: 4 ай мурун Садыр Жапаровду президент кылабыз деп жарыялагам. Сөзүмө турдум

Улуттук коопсуздук боюнча мамлекеттик комитеттин башчысы Камчыбек Ташиев “Садыр Жапаровду президент кылам деп сөз бердим эле, сөзүмө турдум” деген билдирүү калтырды. Бул тууралуу Ташиевдин соцтармактагы баракчасына жазылган маалыматка шилтеме берип “Барометр” билдирет.

"Урматтуу кыргыз элим!

Туптуура 4 ай 14 күн мурун борбордук аянтта таңга маал «Садырды президент кылабыз» деп жарыялаптырмын. Мен сөзүмө, убадама турдум! Рахмат элиме, рахмат силерге", - деген билдирүү жазды Ташиев.

Эске сала кетсек, бүгүн, 28-январда Токтогул Сатылганов атындагы Кыргыз улуттук филармонияда Садыр Жапаров ант берип, кызматына расмий түрдө киришет.