Таш-Көмүрдө Honda Stepwgn үлгүсүндөгү жеңил унаа агып көпүрөгө кептелип калган

Жааган жаандын кесепетинен Таш-Көмүр-Майлуу-Суу унаа жолунун болжол менен 5-чакырымында Балапан-Сай сел өтүүчү сайында Honda Stepwgn үлгүсүндөгү жеңил унаа агып көпүрөгө кептелип калган. Бул тууралуу Өзгөчө кырдаалдар министрлигинин маалыматына таянып "Барометр" билдирет.

Трактор унаасы жеңил унааны чыгарып баштаган. Куткаруучулар унааны чыгарууга жардам беришкен. Жабыркагандар жок. 11 куткаруучу тартылган.