Стамбулдан Бишкекке 330 кыргызстандык келди

15-майда «Манас» эл аралык аэропортунда Стамбул - Бишкек багыты боюнча чартердик учак келип конду. Аны менен 330 кыргызстандык келди. Бул тууралуу республикалык штабдан кабарлашты.

Алар обсервацияга алынып, тийиштүү медициналык процедурадан өтөт.

Тышкы иштер министрлиги чет жакта калып калган мекендештерди алып келүү үчүн бардык аракеттерин көрүп жатат.

Кыргызстандын Түркиядагы элчилиги буга чейин аталган каттам менен биринчи кезекте Түркияга дарыланууга баргандар, кары-картаңдар келерин билдирген.

Буга чейин Германия жана араб мамлекеттеринен кыргызстандыктар келген.