Стамбулдагы Кыргызстандын консулдугунун имаратында өрт чыкты (видео)

Стамбулдагы Кыргызстандын Башкы консулдугунун имаратынын алдында өрт чыккан. Бул тууралуу Haberler агенттигине шилтеме берип “Барометр” билдирет.⠀

“Өрт кырсыгы саат 22:30 чамасында белгисиз себептерден улам 5 кабаттуу үйдүн биринчи кабатындагы Таксим аянтындагы Кыргызстандын консулдугунда өрт чыкты" деп жазат түрк басылмасы.

Көп өтпөй өрт жогору тарапка жайылган. Билдирүүдөн кийин окуя болгон жерге полиция, өрт өчүрүү кызматы жана медициналык топтор келишти.

Көп өтпөй өрт өчүрүлүп, каза болгондор жана жаракат алгандар катталган жок.

Полиция окуя боюнча иликтөө иштерин баштады.

Ал эми, консулдук аларда өрт чыкпагандыгын тастыктады. Консулдук жайгашкан имараттын биринчи кабатындагы батир күйүп кеткенин айтты.