Сот Уланбек Аалиевди 21-декабрга чейин камакта калтырды

Бишкек шаарынын Биринчи май райондук соту Октябрь райондук ички иштер башкармалыгынын башчысы Уланбек Аалиевге карата бөгөт коюу чарасын кабыл алды. Бул тууралуу соттун маалыматына таянуу менен “Барометр” кабарлайт.

Соттун 2021-жылдын 23-октябрындагы чечимине ылайык Алиевге карата 2021-жылдын 21-декабрына чейин Улуттук коопсуздук мамлекеттик комитетинин убактылуу кармоочу жайына камоо боюнча бөгөт чарасы кабыл алынды.

Эскерте кетсек, 21-октябрда Аскер прокуратурасынын тергөө тобу Октябрь райондук ички иштер башкармалыгынын башчысы Уланбек Аалиевди өзгөчө ири өлчөмдө параны опузалап алуу жана кызматтык абалынан кыянаттык менен пайдаланууга шектүү катары кармаган.