Жээнбеков 3-сентябрда Чүй облусунун санариптештирүү иштери менен жеринен таанышат

Бүгүн, 3-сентябрда президент Сооронбай Жээнбеков Чүй облусуна иш сапары менен барат. Бул тууралуу президенттин маалымат кызматына таянып “Барометр” билдирет.

Маалыматка ылайык, өлкө башчынын иш сапарынын алкагында Москва жана Жайыл райондорундагы жергиликтүү өз алдынча башкаруу органдарын, сот органдарын жана медицина мекемелерин санариптештирүүнүн жүрүшүнөн кабар алат.

Ошондой эле Президент Сооронбай Жээнбеков айыл чарба, кайра иштетүү ишканаларынын ишмердиги жана калкты таза суу менен камсыз кылуу боюнча долбоорлорду ишке ашыруунун жүрүшү менен таанышат.