Шашылыш билдирүү! Жакынкы күндөрү аба ырайы кескин бузулуп, жолдорго көчкү түшөт

Шашылыш билдирүү! Жакынкы күндөрү күтүлүп жаткан жаандан улам, унаа жолдорго көчкү түшүү коркунучу бар. Бул тууралуу ӨКМнын маалымат кызматына шилтеме берип “Барометр” билдирет.  

Маалым болгондой, 31-марттан 1-апрелге чейин аба ырайы кескин бузулат.

Жаап өткөн жана күтүлүп жаткан жаан-чачынга байланыштуу Кыргызстандын тоолуу райондорунда, Каракол-Эңилчек унаа жолунун 45-50, 74-86 чакырымдарында (Чоң-Ашуу ашуусу) кар көчкү түшүүcү жана кар күрткүсү күтүлөт, жолдор тайгак болуп муз тоңот.

Унаалардын ортосундагы 500 метр аралык кыймыл чектелиши зарыл.