Санкт-Петербургда кыргызстандыктар жол кырсыгына кабылышты

Россиянын Санкт-Петербург шаарында кыргызстандык айдоочу жана өспүрүм жол кырсыгына кабылды. Экөөнү тең оор абалда ооруканага жеткиришти. Бул тууралуу Россиянын ЖМКларына таянуу менен “Барометр” кабарлайт.

Кыргызстанда туулган 34 жаштагы жаран Kia Rio унаасын айдап бара жаткан. Жолдун 35-чакырымында ал Екатерингофкага бурулуп, Volvo унаасы менен кагышылышкан.

Кырсыктын кесепетинен кыргызстандык жана анын 17 жаштагы жүргүнчүсү жабыркады. Өспүрүмдүн мээси чайкалып, баш сөөгү жана бет сөөгү сынган.

Кырсыктын себептери такталып жатат.