Садыр Жапаровдун Ташкенттеги иш сапарынан алгачкы көз ирмемдер

Президент Садыр Жапаров Ташкент шаарындагы "Көз карандысыздык жана гуманизм" монументине гүл койду. Бул тууралуу президенттик аппараттын маалымат кызматына шилтеме берип "Барометр" билдирет. 

"Кыргыз Республикасынын президенти Садыр Жапаров бүгүн, 11-мартта, Өзбекстан Республикасына болгон мамлекеттик сапарынын алкагында Ташкенттин "Эгемендик" аянтындагы "Көз карандысыздык жана гуманизм" монументине гүл койду.

Мамлекет башчысы ардактуу кароол ротасынын жоокерлеринин коштоосунда монументке гүл койду", - деп айтылат маалымтта.

Эске сала кетсек, президент Садыр Жапаров бүгүн, 11-мартта Өзбекстанга мамлекеттик иш сапары менен кеткен. Садыр Жапаровду Ислам Каримов атындагы «Ташкент» аэропортунда Өзбекстандын премьер-министри Абдулла Арипов тосуп алган.