Садык Шер-Нияз Кыргызстандын Франциядагы элчиси болуп дайындалды

Президент Садыр Жапаров Садык Шер-Ниязды Франциядагы Кыргызстандын атайын жана толук ыйгарым укуктуу элчиси кылып дайындоо тууралуу жарлыкка кол койду. Бул тууралуу президенттин басма сөз кызматына шилтеме берип "Барометр" билдирет.

Аталган маалыматка таянсак, Садык Шер-Нияз мындан тышкары ЮНЕСКОнун туруктуу өкүлү дагы болуп дайындалды.

Садыр Жапаров ошондой эле Кыргызстандын Азербайжандагы атайын жана толук ыйгарым укуктуу элчиси кылып Кайрат Осмоналиевди дайындады.