Саат 21.30га карай Бишкек шаардык кеңешине 6 партия өттү

Бишкек, Ош жана Токмок шаарларында шаардык кеңештерге шайлоо аяктады.Бул тууралуу БШКдан алынган маалыматка таянуу менен "Барометр" билдирет.

Автоматташтырылган башкаруу системасынан алынган болжолдуу маалыматтар боюнча Бишкекте 6 партия озуп чыкты. Алар: биринчи орунда 18,23 пайыз добуш менен «Эмгек», 14,11 пайыз менен «Ата Журт Кыргызстан», 12,47 пайыз менен «Ишеним», 10,81 пайыз менен «Ынтымак», 8,13 пайыз менен “Кыргызстандын социал-демократтары”, 8,11 пайыз менен “Өнүгүү-Прогресс”.

«Реформа» партиясы 5,37 пайыз, «Биздин Кыргызстан» — 6,29 пайыз, «Күч биримдикте» 5,02 пайыздан добуш алышты.  

Баарына каршы 2,91 пайыз шайлоочу добуш берди.