«Роял Бич» пансионатында өрт чыкты

Ысык-Көл районундагы Чок-Тал айылында жайгашкан «Роял Бич» пансионатында бүгүн, 21-октябрда түн ичинде өрт чыкты. Бул тууралуу Өзгөчө кырдаалдар министрлигинин басма сөз кызматына таянуу менен “Барометр” кабарлайт.

Аталган маалыматка таянсак, саат 03:55те бул пансионатта өрт чыкканы тууралуу маалымат түшкөн.

Өрттү өчүрүүгө үч унаа тартылды.Өрт саат 04:52де чектөөгө алынып, толугу менен саат 06:35те өчүрүлдү.

20 чарчы метр складдын ичинде болгон өрттүн кесепетинен курулуш материалдары менен авто тетиктер күйдү. Жабыркагандар жок. Тилсиз жоонун себептери такталып жатат.