Россиядан 43 автобус менен кыргыз жарандары Казакстан аркылуу жолго чыкты

Россиянын Оренбург облусундагы мекенине келүү үчүн аталган жерге топтолуп калган кыргызстандыктар 43 автобус менен Казакстан аркылуу жолго чыкты. Бул тууралуу Кыргызстандын Тышкы иштер министрлигинин басма сөз кызматына шилтеме берип «Барометр» билдирет.

"20 автобустан турган биринчи колонна 4-август күнү кечинде сапар алды. Анда 1101 жаран бар. Экинчи колонна 5-августта жолго чыкты. Анда 23 автобуста 1356 кыргызстандык келе жатат", — деп айтылат маалыматта.

Бул үчүн Кыргызстандын тышкы саясат боюнча ведомствосу коңшу Казакстан менен сүйлөшүүлөрдү жүргүзүп, жарандарды анын аймагы аркылуу алып өтүү үчүн транзиттик коридор ачтырган.