Президент Жапаров Түркмөнстанга иш сапар менен учуп кетти

Президент Садыр Жапаров бүгүн, 5-августта жумушчу сапар менен Түркмөнстандын Түркменбаши шаарына Борбор Азия мамлекет башчыларынын консультативдик кеңешине катышуу үчүн учуп кетти. Бул тууралуу президенттин басма сөз кызматы кабарлаганын “Барометр” билдирет.

Жолугушууда аймактагы соода-экономикалык, энергетикалык, транспорт-коммуникациялык тармактардагы маселелер талкууланат.

Иш сапардын алкагында президент Садыр Жапаров аймактагы өлкө башчылары менен эки тараптуу жолугушуу өткөрөт.