Президент Нурбек Мурашевдин отставкасын кабыл алды

Президенттин басма сөз кызматынан маалымдашкандай, Айыл чарба, өнөр жай жана мелиорация министри Нурбек Мурашев ээлеген кызматынан бошотулду.

Бул тууралуу жарлыкка Президент Сооронбай Жээнбеков бүгүн, 27-майда, кол койду.

Белгилүү болгондой, бул министр министрлик кызматты аркалап турганда коомчулукта «Кара картошка» деген ылакап атка ээ болду. 

Ал 23-майда өз каалоосу менен кызматтан кетүүгө арызын жазып, аны премьер-министр Мухаммедкалый Абылгазиев кабыл алган болчу.