Президент Назарбаев өз ыктыяры менен бийликтен кетти

Казакстандын президенти Нурсултан Назарбаев өз ыктыяры менен мамлекет башчысы катары кызматын жыйыштырды. Бул тууралуу ал бүгүн, Казакстандын телеканалында түз эфирден маалымдады.

 “Мен президент катары өз ыйгарым укуктарымды токтотууну чечтим”,-деп айтты ал элине  түз эфир аркылуу кайрылуусунда.

Назарбаев өзүнүн акыркы жарлыгын жазганын жана 20-марттан тартып президентиктен кетип жатканын айтты.  

Назарбаев  1990-жылы 24-апрелде Казакстандын президенти болуп дайындалган. 2018-жылы Казакстандын Конституциялык соту ага өмүр бою коопсуздук кеңешин жетектөө  укугун  берген.