Пермдеги ок атуудан кийин башкы тергөөчү муунуп каза тапты

Россиянын Пермь крайы боюнча Тергөө комитетинин тергөө башкармалыгынын башчысы Сергей Сарапульцевдин сөөгү өзүнүн үйүнөн табылды. Бул тууралуу Россиянын ЖМКларына таянуу менен “Барометр” кабарлайт.

Башкы тергөөчүнүн денеси 23-сентябрда кечинде анын кесиптештери тарабынан табылган. Өлүмдүн себептери так айтылбай жатат.

Mash телеграм-каналы башчы өзүнө кол жумшаганын жазды.

Аталган маалыматка таянсак, суциддин эки версиясы айтылууда. Биринчиси Пермь унивеситетинде 18 жаштагы студент 6 кишини атып өлтүргөндөн кийин болгон жыйындан соң Сарапульцев өзүн өлтүргөн. Экинчи версия боюнча ал үй-бүлөлүк чатактан кийин асынып каза тапкан.

Сарапульцев аталган кызматка 2018-жылдын июль айынан тартып иштей баштаган.