Ошто турак үйдөн өрт чыгып коңшу 4 үйдү каптады (Сүрөт)

Ош шаарында турак үйдөн өрт чыгып, коңшу 4 үйдү каптады. Бул тууралуу ӨКМдин басма сөз кызматына таянып "Барометр" билдирет.

Кечээ, 31-июлда саат 20:38 чамасында Ош шаарынын Ак-Тилек кичи шаарчасынын 20-көчөсүнүн №16 дарегинде жайгашкан түрак үйдөн өрт чыккан.

"Тилсиз жоо №16 турак үйү менен кошуна жайгашкан №18, №20 турак үйлөрүнө жана 19-көчөдө жайгашкан №17, №19 үйүнө өткөн. Өрттүн жалпы аянты 350 ч.м. Кырсыктын кесепетинен жабыркагандар жок", - деп айтылат маалыматта.

Өрт саат 21:40та чектөөгө алынып, саат 00:24тө толук өчүрүлгөн. Келтирилген материалдык чыгымдар жана өрттүн келип чыгуу себеби такталууда.