Ош базардын айланасы чачкын соода кылгандардан тазаланды

Милиция кызматкерлери Ош базарынын айланасындагы тратуарларда соода кылгандардан арылтуу боюнча кезектеги иш-чараны жүргүздү. Бул тууралуу Бишкек шаарынын Ленин райондук ички иштер башкармалыгынын басма сөз кызматына шилтеме берүү менен “Баромтер” кабарлайт.

“Соодагерлер менен түшүндүрүү жана профилактикалык иштер жүргүзүлдү. Сооданы базардын аймагында гана жүргүзүү  керектиги айтылды. Иш-чаранын жыйынтыгы менен Ош базарынын айланасындагы тратуарлар, Киев, Бейшеналиев, Кулиев жана Токтогул көчөлөрүнүн четтериндеги башаламан соода кылгандардан кетирилди”,-деп айтылат маалыматта.