Ош-Баткен-Исфана унаа жолунда камаз оодарылып кетип 3 адам каза болду

Ош-Баткен-Исфана унаа жолунда камаз жолдон чыгып оодарылып, 3 адам окуя болгон жерден мерт кетти. Бул тууралуу ӨКМ билдирди. 

Маалыматта берилгендей, 2018-жылдын  9-декабрь күнү саат 05:36 Ош-Баткен-Исфана унаа жолунун 337-чакырымында (Белес тилкеси) “КамАЗ” үлгүсүндөгү оор жүк ташуучу унаа жолдон чыгып, оодарылып кеткен. Жол кырсыгынын кесепетинен 1979-жылы туулган Х.Н. аттуу жаран, 1985-жылы туулган К.М. аттуу жаран жана 1993-жылы туулган М уулу А. аттуу бала каза болгон. 

Куткаруучулар кырсык болгон жерге барышып, камазга басылып калган жансыз денелерди чыгарып беришкен.