Орусияда жол кырсыгынан кыргызстандык жаран каза болду

Орусиянын Рязань облусунун Путятинск районунда Кыргызстандын жараны жол кырсыгынан каза болду. Бул тууралуу Life.ru сайты жазган маалыматка шилтеме берип “Барометр” билдирет.

Жол кырсыгы 28-январда саат 19:20 чамасында болгон. Маалыматка ылайык, 61 жаштагы кыргызстандык “Вольво” үлгүсүндөгү жүк ташуучу унааны башкарып бара жаткан.

Күч кызматкерлеринин айтымында, айдоочу рулду башкара албай жолдон чыгып кеткен. Анын кесепетинен жүк ташуучу унаа сол капталына оодарылып кеткен. Кыргызстандык жаран алган жаракатынан улам ошол жерде көз жумган.