Орхан Инандыны табуу талабы менен нааразылык акциялары уланууда

16-июнда “Сапат” билим берүү мекемесинин президенти Орхан Инандыны табуу акциялары кайрадан жанданды. Ондогон ата-энелер жана бүтүрүүчүлөр Бишкектин чок ортосундагы эски аянтка чогулушту. Алар Кыргызстандын бийлик өкүлдөрүнөн Инандыны таап берүүнү талап кылышууда.

   Наарызычылык акциялары Орхан Инанды дайынсыз жоголгон 1-июндан баштап уланып келе жатат.  Чогулгандар Орхан Инандынын сүрөтү тартылган плакаттарды көтөрүшүп,  айрымдары аянтта китеп окушуп тарап кетип жатышкан. Уюштуруучулар өткөн аптада тынч митингдер кыска тыныгуудан кийин кайрадан башталаарын билдиришкен эле.  

   Президент Садыр Жапаров июнь айынын башында күч органдарына Орхан Инандыны табуу боюнча тапшырма берген, бирок азырынча бул иш-аракеттерден эч кандай майнап чыга элек.