Күйүүчү май ташыган унаа күйүп, айдоочусу каза болду (Сүрөт)

Оор жүк ташуучу унаа күйүп, кырсыктын кесепетинен айдоочу каза болду. Бул тууралуу ӨКМдин басма сөз кызматына таянып "Барометр" билдирет.

 Кечээ, 12-августта Бишкек-Ош унаа жолунда күйүүчү май ташыган унаа күйүп кеткен.

"Бишкек-Ош унаа жолунун 209-чакырымында (Молдобайдын төрү тилкеси) күйүүчү май ташыган оор жүк ташуучу унаа көпүрөдөн сайга кулап түшүп күйүп кеткен. Кырсыктын кесепетинен унаанын айдоочусу каза болду", - деп айтылат маалыматта.

Жерине Бишкек-Ош унаа жолунун 154-чакырымында нөөмөттө турган ӨКМдин Куткаруучуларды даярдоочу мамлекеттик борборунан 5 куткаруучу тартылган.

Ошондой эле, прицеп-цистернасынан жана ачык аянтта куураган чөптөн чыккан өрт саат 19:00дө толук өчүрүлдү.