Нарындын көчөсүндө жалындап өрттөнгөн унаалар (видео)

Нарында эки унаанын кагылышынан улам өрт чыккан. Бул тууралуу ӨКМКнын басма сөз кызматына таянып “Барометр” билдирет.

Окуя бүгүн, 17-августка караган түнү Нарын шаарынын Москва аймагында, Бишкек—Нарын—Торугарт жолунда болгон. Алдын ала маалыматка караганда, «Мерседес-Бенц Спринтер» менен жеңил унаа кагышып, эки унаа тең өрттөнүп кеткен.

Нарын облустук ооруканасына бир жаран дене күйүгү менен жаткырылды. Эки унааннын тең айдоочулары аман калды. Алдын ала маалыматтар боюнча, жол кырсыгынан улам өрт келип чыккан.