Өмүрбек Текебаев Улуттук кардиология жана терапия борборуна жаткырылды

Камактагы Өмүрбек Текебаев Саламаттыкты сактоо министрлигинин Улуттук кардиология жана терапия борборуна жаткырылды. Бул туурасында КРнын Жаза аткаруу мамлекеттик кызматынан билдирди.

Аталган кызматтын маалыматына караганда 1958-жылы туулган Өмүрбек  Текебаев 2017-жылдын 19-октябрында Бишкектеги  1-убактылуу кармоочу жайдан № 47 абак жайга келген.

2018-жылы 31-июлда Текебаев ден соолугунун абалына байланыштуу Улуттук кардиология борборуна жаткырылган. 

2018-жылдын 24-августунда Улуттук кардиология жана терапия борборунун, Улуттук онкология жана гематология борборунун дарыгерлеринин катышуусунда консилиум өткөрүлгөн.

2018-жылдын 13 декабрынан 2019-жылдын 9-январына чейин № 1 Улуттук госпиталдын неврология бөлүмүндө стационардык дарылоодо болгон. Дарылануу аяктаганда № 47 мекемеге медициналык кызматкелердин кароосунда жиберилген.

2019-жылдын 31-майында Текебаев дарылоо жана текшерүү үчүн кайрадан Улутук кардиология жана терапия борборуна жаткырылды.