Мэрия Бишкек шаарынын улгайган тургундарын көчөгө чыкпай турууга чакырды

Бишкек шаарында эпидемиологиялык абал курч болгондуктан жашы өтүп калган жарандарды зарыл жумушу болбосо көчөгө чыкпай туруу сунушталды. Бул тууралуу бүгүн, 6-апрелде брифинг учурунда вице-мэр Айжан Чыныбаева билдирди.

“Учурда, Бишкек шаарында эпидемиологиялык абал курч бойдон калууда. Ошондуктан, биз 50 жаштан жогорку калаа тургундарын зарыл жумушу болбосо эл көп топтолгон жерлерден оолак болууга чакырабыз”, - деди Чыныбаева.

Ошону менен катары эле, вице-мэр шаар тургундарынан эл көп топтолгон, санитардык нормаларга жооп бербеген иш-чараларга күбө болуп калгандарды, фото жана видео түрүндө мэрияга билдирип коюуну өтүндү.