"Мен чыккынчылыкты эч качан кечирбейм." Назарбаев жөнүндө тартылган тасма жакында экрандан көрсөтүлөт

Казакстандын биринчи президентинин пресс-катчысы Айдос Үкүбай Нурсултан Назарбаев жөнүндө тартылган даректүү тасманын жаңы тизерин жарыялады. Бул тууралуу Айдос Үкүбайдын твиттер баракчасына жарыяланган маалыматка таянып “Барометр” билдирет.

"Адамга 100 пайыз ишенип жүрсөң, ал сенин артыңдан чыккынчылыкка барып жатканын билүү өтө жийиркеничтүү. Мен чыккынчылыкты эч качан кечирбейм. 

Мен жадакалса өзүмдүн жакындарыма да өтө катаал болчумун", - дейт Назарбаев видео тасмада сүйлөгөн сөзүндө.

Биринчи президенттин маалымат кызматынын айтымында, "Штрихи к портрету" даректүү телесериалында Назарбаевдин өмүр таржымалы жана анын саясаттагы орду чагылдырылган. Сериалда казак лидеринин буга чейин, коомчулукка белгисиз болгон жагдайлары айтылат. Тасма эксклюзивдүү маектин негизинде тартылган.