Кызыл-Кыяда болгон жол кырсыгынан 4 аял жабыркады

Баткен областынын Кызыл-Кыя шаарында жол кырсыгы болду. Бул тууралуу Өзгөчө кырдаалдар министрлигинин басма сөз кызматынан кабарлашканын “Барометр” маалымдайт. 

Аталган кабарга таянсак, Кулатов көчөсүндө «Daewoo Labo» жана «Daewoo Matiz» унаалары кагылышкан.

Кырсыктын кесепетинен 4 аял: 1971-жылы туулган О. Т.,1973-жылы туулган К. Ж.,1974-жылы туулган З. Б., 1984-жылы туулган С. Н. жабыркады.

Аларды жолдон өткөн унаалар аркылуу Кызыл-Кыя шаарындагы ооруканага жеткиришти.

Окуя болгон жерде 3 куткаруучу иштеди.