Түркиядан 328 кыргызстандык кайтып келди

Түркиядан мекенине 328 кыргызстандык кайтып келди. Бул тууралуу Республикалык штаб билдирди .

Бүгүн “Манас” эл аралык аэропортунда “Turkish Airlines” авиакомпаниясынын Стамбул–Бишкек каттамы боюнча чартердик рейсин тосуп алышты.

Дүйнөдө коронавирустун жайылышынан улам чек аралар убактылуу жабылганына жана эл аралык жүргүнчү ташуу авиабилдирүүлөрүнүн токтошу менен, чет өлкөдөгү Кыргызстандын жарандарын кайтаруу боюнча жүргүзүлгөн иш аракеттер аткарылууда. КР Президенти жана Өкмөтүнүн тапшырмасын аткаруу үчүн эки өлкөнүн тышкы саясий ведомстволорунун жетишилген макулдашууларын ишке ашыруунун алкагында жүзөгө ашырылды. Бардык учуп келген жарандар бекитилген татипте медициналык процедуралардан өтүү үчүн обсервацияга алынды.

Чет мамлекеттерде жүргөн КР жарандарын Мекенине кайтарууну уюштуруу иштери уланууда.