Кыргызстанга Россиядан 531 жараныбыз кайтып келди

Кыргызстанга Россиядан 531 жараныбыз кайтып келди. Бул тууралуу Респуликалык штабка шилтеме берип "Барометр" билдирет.

23-августта Кыргызстанга «Авиа Траффик Компани» авиакомпаниясынын Новосибирск–Ош багыты боюнча каттамы учуп келди, бул борт менен Россиядан 152 кыргыз жараны кайтып келди, алардын ичинде жаш балдар да бар.

 24-августта Кыргызстанга «Сибирь (S7)» авиакомпаниясынын Новосибирск–Бишкек багыты боюнча каттамы учуп келди, бул борт менен Россиядан 208 кыргыз жараны кайтып келди, алардын ичинде жаш балдар да бар.

Бул каттам менен Новосибирск, Красноярск, Иркутск, Түштүк Сахалинск, Сибирь Федералдык округунун башка шаарларынан дагы кыргыз жарандары учуп келди.

24-августта Екатеринбургдан Ошко «Урал авиакаттамдары» авиакомпаниясынын чартердик каттамы учуп келди, бул рейс менен мекенине 171 кыргыз жараны кайтарылды, алардын ичинде балдар дагы бар.

Аталган каттам менен Ошко Екатеринбург, Челябинск, Тюмень, Магнитогорск, Курган, Пермь жана башка шаарлардан кайтууга өтө муктаж болгон жарандарыбыз (ар кандай оорулары барлар, улгайган адамдар, кош бойлуу жана кичинекей балдары бар аялдар, ошондой эле оор турмушка кептелген жарандар) учуп келди.

Авиакаттамдар чет мамлекеттерден мекенине келе албай жаткан биздин жарандарды кайтаруу боюнча жүргүзүлгөн иштин алкагында КР президентинин жана өкмөттүн тапшырмасын аткаруу үчүн уюштурулган.

Бул багыттагы иштер улантылууда.