Кыргызстандын жаңы муфтийи болуп Замир Ракиев шайланды

Кыргызстандын аалымдар кеңеши өлкөнүн жаңы муфтийин шайлашты. Баш калаанын мурдагы казысы Замир Ракиев муфтийликке тандалды.

Шайлоо бүгүн, 26-июнда филармонияда 220 делегаттын катышуусу менен өттү. Муфтийликке тогуз талапкер ат салышкан.

Замир Ракиев 1978-жылы 15-февралда Нарын областынын Кочкор районуна караштуу Шамшы айылында туулган. 

Бишкектеги медресени аяктаган, Египеттен даярдоо курстарын бүтүргөн. 

Бишкек гуманитардык университетинен чыгыш таануу адистиги боюнча билим алган.