Кыргызстанда жарым жылда 1 млн тоннага жакын сүт өндүрүлдү

2021-жылдын биринчи жарым жылдыгында Кыргызстанда 1 миллион тоннага жакын сүт өндүрүлдү. Бул тууралуу Айыл чарба министрлигинин басма сөз кызматынан кабарлашканын "Барометр" маалымдайт.

Белгилүү болгондой январь-июль айларында республикада сүт өндүрүү 979,2 миң тоннаны түзгөн. Бул өткөн жылдын ушул мезгилине салыштырганда 19 миң тоннага же болбосо 2 пайызга көптүк кылат.

Сүт өндүрүшү республиканын баардык аймактарында жогорулаган. Анын себеби өлкөдө уйлардын санынын көбөйүшүнө байланыштуу экенин Айыл чарба министрлигинен кошумчалашты.