Кыргызстанда көмүрдүн баасына мамлекет убактылуу чектөө киргизди

Кыргызстанда көмүрдүн баасы мамлекет тарабынан убактылуу жөнгө салынат. Бул тууралуу министрлер кабинетинин басма сөз кызматынан кабарлашканын “Барометр” маалымдайт.   

Тиешелүү чечимге министрлер кабинетинин төрагасы Улукбек Марипов кол койду.

“Чечим баалдардын кымбаттап кетишине жол бербөө жана күз-кыш мезгилинде калкты көмүр менен туруктуу камсыз кылуу максатында кабыл алынды. Убактылуу чектөө киргизүү 90 календардык күнгө эсептелди”,-деп айтылат маалыматта.

Экономика жана каржы министрлигине караштуу Монополияга каршы жөнгө салуу агенттигине баалардын өсүп кетишин көзөмөлгө алуу тапшырмасы берилди.

Эскерте кетсек, бир жылдын аралыгында Кыргызстанда көмүрдун баасы орточо алганда 715,8 сомго кымбаттады.